Gəncədə yanğın hadisəsi baş verib. Bu haqda Gencexeber.az-a 13 fevral tarixində məlumat daxil olub.
Hadisə “Dubay” bazarı yaxınlığında “Naxalovka” adlanan ərazidə qeydə alınıb. Yanğın sarı torpaqdan tikilmiş evdə başlayıb. Tikilinin əksər hissəsi yanıb.
Əraziyə Fövqəladə Hallar Nazirliyinin Yanğından mühafizə bölmələrinin dörd texnikası cəlb edilib. İlkin məlumata əsasən, hadisə zamanı xəsarət alan olmayıb.
