2 Fevral Gənclər günü münasibətilə Gəncə şəhər Mənzil Kommunal Təsərrüfatı İstehsalat Birliyində (MKTİB) çalışan bir qrup gənc təltif olunub.
Gencexeber.az-ın məlumatına əsasən, MKTİB-nin rəisi Nurəhməd Əhmədov deyib ki, MKTİB-də çalışan gənclərin sağlam yetişdirilməsi, onların bilik və bacarıqlarının daim artırılması, rəhbər vəzifələrə çəkilməsi istiqamətində əməli işlər görülür.
Gənclərlə görüşdə MKTİB-nin rəis müavinləri İlqar Əsədov, Naqif İbişov və Yerli Sənaye Kommunal Məişət Müəssisələri İşçiləri Həmkarlar İttifaqı Gəncə şəhər Komitəsinin sədri Jalə Osmanova da çıxış edərək qurumda çalışan gənclərə ən xoş arzularını çatdırıblar.
Tədbirin sonunda MKTİB-nin rəhbər heyəti tərəfindən fəal gənclərə hədiyyələr təqdim olunub.
