Gəncədə minifutbol üzrə turnir keçirilib. Bu haqda 23 fevral tarixində Fiziki Tərbiyə Müəllimləri Assosiasiyasına istinadən məlumat veririk.
Assosiasiyanın və Gəncə İdman Liseyinin birgə təşkilatçılığı ilə ümumtəhsil məktəblərinin komandaları arasında “Minifutbol” turnirinin açılış tədbiri baş tutub. Turnir Heydər Əliyevin 100 illik yubileyinə həsr olunub.
Fiziki Tərbiyə Müəllimləri Assosiasiyasının təsisçisi Murad Məmmədov çıxış edərək ulu öndərin idmana olan diqqətindən danışıb. Gəncə İdman Liseyinin direktoru Mehman Allahverdiyev Heydər Əliyevin ölkəmizin inkişafı və tərəqqisinə yönələn fəaliyyətindən bəhs edib.
Sonra minifutbol turniri açıq elan olunub.
