Mərkəzi Klinikada müalicəsi davam edən sabiq ədliyyə naziri İlyas İsmayılovun vəziyyəti ağırdır.
Bu barədə bakuplus.аz-a Mərkəzi Klinikanın mətbuat xidmətindən məlumat verilib.
Bildirilib ki, İlyas İsmayılovun vəziyyəti ağır stabil olaraq qalır. Mərkəzi Klinikanın reanimasiya şöbəsində müalicəsi davam edir. O, bir aydan artıqdır Mərkəzi Klinikada müalicə alır.
Xatırladaq ki, onun komaya düşməsi ilə bağlı məlumatlar da var.
Qeyd edək ki, İsmayılov İlyas Abbas oğlu 1938-ci il martın 20-də Tovuz rayonunda anadan olub. 1985-1990-cı illərdə Respublika prokuroru, 1992-1995-ci illərdə isə ədliyyə naziri kimi fəaliyyət göstərib. Milli Məclisin III və IV çağırış deputatı olub.
