Gəncədə cinayət işi üzrə istintaq başa çatıb. Bu haqda 30 noyabr tarixində Baş prokurorluğa istinadən məlumat veririk.
34 yaşlı Ramil İmanov keçmiş həyat yoldaşını, daha sonra isə özünü bıçaqlayıb. Faktla bağlı şəhər prokurorluğunda cinayət işi açılıb və ibtidai istintaq aparılıb.
Məlum olub ki, 1 iyul tarixində İmanovun şəhərin Məhsəti qəsəbəsində yerləşən fərdi yaşayış evlərindən birində şəxsi münasibətlər zəminində aralarında yaranmış mübahisə zamanı keçmiş arvadı Şəhla Bayramovaya azyaşlı oğlunun gözləri qarşısında bıçaqla xəsarətlər yetirərək qəsdən öldürməyə cəhd etməsinə əsaslı şübhələr müəyyən edilib.
Onun barəsində həbs qətimkan tədbiri seçilib və cinayət işi Gəncə Ağır Cinayətlər Məhkəməsinə göndərilib.
