Gəncədə bıçaqlanma hadisəsi baş verib. Bu haqda 1 iyul tarixində Report-a istinadən məlumat veririk.
Hadisə mübahisə zəminində qeydə alınıb. 34 yaşlı Ramil Rafiq oğlu İmanov bir müddət öncə boşandığı 35 yaşlı Şəhla Bayramova ilə 10 gün əvvəl yenidən barışıb. Tərəflər arasında yaranmış mübahisə zamanı qadın 10-dan çox bıçaq xəsarəti alıb.
Daha sonra İmanov özünə də döş qəfəsindən bıçaq xəsarəti yetirib. Hər ikisi xəstəxanaya yerləşdiriliblər. Onların vəziyyətləri orta ağır və ağır qiymətləndirilir.
Qeyd edək ki, ailənin üç övladı var.
Faktla bağlı araşdırma aparılır.
