Premyer Liqada Gəncəni təmsil edən "Kəpəz" futbol klubu qış fasiləsində yeni transferini rəsmiləşdirib.
Gencexeber.az xəbər verir ki, bu barədə klubun rəsmi sosial şəbəkə hesablarında məlumat yer alıb. Gəncə təmsilçisi İtaliyanın "Breşiya" klubundan Trent Buhagiarı transfer edib.
Ampluaca yarımmüdafiəçi olan oyunçu ilə "6 ay + 1 il" müddətinə müqavilə imzalanıb.
Əslən Avstraliyadan olan 26 yaşlı futbolçu Malta yığmasının üzvüdür. Trent tarixi vətənində bir sıra klubların heyətində çıxış edib.
