Xəbər verdiyimiz kimi, Gəncədə sərnişinlər 15 saylı avtobusun sürücüsü tərəfindən kobud qayda pozuntularının şahidi olublar.
Gencexeber.az-a DİN-in mətbuat xidmətinin Gəncə regional qrupunun baş inspektoru Eşqin Qasımov bildirib ki, sözügedən görüntülərlə bağlı Gəncə Şəhər Baş Polis İdarəsinin Dövlət Yol Polisi Şöbəsində müvafiq araşdırmalar aparılıb:
“Sürücü yol hərəkəti qaydalarını pozduğuna görə onun barəsində İnzibati Xətalar Məcəlləsinin müvafiq maddələri ilə protokol tərtib olunub”.
Əldə etdiyimiz məlumata əsasən, həmin şəxs sərnişindaşıma sahəsində fəaliyyətini davam etdirir.
