Gəncədə regional forum keçirilib. Bu haqda 21 fevral tarixində Mingəçevir Turizm Kollecinə istinadən məlumat veririk.
“I Regional Gənclər və Turizm Forumu" “Heydər Əliyev İli” çərçivəsində baş tutub. Forum İcra Hakimiyyətinin, YAP Gəncə şəhər təşkilatının, Gənclər və İdman Baş İdarəsinin dəstəyi və “Gələcək Naminə” İctimai Birliyinin təşkilatçılığı ilə baş tutub.
Tədbirdə bildirilib ki, layihənin əsas məqsədi ölkənin turizm potensialından istifadə imkanlarını öyrənmək, regionların sosial-iqtisadi inkişafında gənclərin rolunu artırmaq, yeni ideyaların mübadiləsinə və uğurlu təcrübənin tətbiqinə nail olmaqdır. Qonaqlar bu cür layihənin keçirilməsinin əhəmiyyətindən bəhs ediblər və forumun gedişatına uğurlar arzulayıblar.
Daha sonra “Gənclər üçün turizmdə yeni perspektivlər”, “Turizm təhsili”, “Beynəlxalq təcrübədə turizm blogerliyi”, “Dövlətin gənclər və turizm siyasəti”, “Gənclər təşkilatlarının turizmdə rolu” və digər mövzular ətrafında panel müzakirələr aparılıb.
