Şəhid Orxan Əsgərova doğma şəhərində də yas mərasimi təşkil olunacaq. Bu haqda 30 yanvar tarixində Kəpəz televiziyasına istinadən məlumat veririk.
Məlumat verdiyimiz kimi, bu gün Bakıda Azərbaycanın Tehrandakı səfirliyində terror aktı zamanı şəhid olan baş leytenant Orxan Əsgərovla vida mərasimi keçiriləcək. Mərhum Bakının İkinci Şəhidlər xiyabanında torpağa tapşırılacaq.
Əsgərovun yas mərasimi Gəncədə də keçiriləcək. Bunun üçün hazırlıq işləri görülür və mərhumun ata evində mərasim çadırı qurulub. Bakıya gedə bilməyənlər onun ailə üzvlərinə başsağlığı vermək üçün Nizami yurduna gəlirlər.
