Gəncədə iki nəfəri bıçaqlamaqda şübhəli bilinən şəxs saxlanılıb. Bu haqda 24 dekabr tarixində Report-a istinadən məlumat veririk.
Kişi keçmiş həyat yoldaşını, daha sonra isə onları aralamaq istəyən şəxsi bıçaqlayıb. Şəhər Baş Polis İdarəsinin 2-ci Polis Şöbəsinə şəhər sakinləri - 55 yaşlı Rəsmiyyə Bəndəliyevanın sol qolun dirsək nahiyəsinin kəsilmiş yarası və 60 yaşlı Məhəmməd Musayevin sol çiyin nahiyəsinin kəsilmiş yarası ilə xəstəxanaya yerləşdirilmələri barədə məlumat daxil olub.
Polis tərəfindən əməliyyat keçirilib. Nəticədə cinayəti törətməkdə şübhəli bilinən Bəndəliyevanın 56 yaşlı keçmiş həyat yoldaşı German Qocayev saxlanılıb. Məlum olub ki, German şəxsi münasibətlər zəminində R.Bəndəliyeva ilə mübahisə zamanı sonuncuya bıçaqla xəsarət yetirib, daha sonra onları aralamaq istəyən Musayevi yaralayıb.
Şübhəli şəxs saxlanılaraq istintaqa təqdim edilib. Faktla bağlı araşdırmalar aparılır.
