Goranboy rayonunda yol-nəqliyyat hadisəsi baş verib.
Gencexeber.az-ın məlumatına əsasən, Kəlbəcər rayonu Qamışlı kənd sakini 1996-cı il təvəllüdlü Əli Səmədovun idarə etdiyi "Mercedes" markalı avtomobil Biləsuvar rayon Günəşli kənd sakini 1993-cü il təvəllüdlü İbadət Şəmmədovun idarə etdiyi "VAZ 2107" avtomaşını ilə toqquşub.
Qəza zamanı " VAZ 2107” markalı avtomobildə olan sürücü və Balakən rayon Hənifə kənd sakini 1989-cu il təvəllüdlü Zeynəddin Əliqayev xəsarət alıb.
Yaralılar Goranboy rayon Mərkəzi Xəstəxanasına çatdırılıb. Vəziyyətləri normaldır.
Faktla bağlı araşdırma aparılır.
