Bu gün saat 11:45 radələrində Goranboy rayonunda baş verən yol-nəqliyyat hadisəsi səbəbilə xəsarət alan 2010 və 1953-cü il təvəllüdlü iki nəfər (kişi cinsli) Goranboy Rayon Mərkəzi Xəstəxanasına hospitalizasiya olunub.
Gencexeber.az-a bu barədə TƏBİB-dən məlumat verilib.
"Onlara başın təpə nahiyəsinin dərin kəsilmiş yarası və dəqiqləşdirilməmiş travması diaqnozu təyin edilib. Hazırda pasiyentlərin müalicəsi tibb müəssisəsinin Təcili tibbi yardım şöbəsində davam etdirilir. Vəziyyətləri stabil olaraq qiymətləndirilir", - məlumatda qeyd olunub.
12:07
Goranboyda iki nəfərin xəsarət alması ilə nəticələnən yol qəzası baş verib.
Gencexeber.az-ın məlumatına hadisə Goran yolunda qeydə alınıb.
"KİA Sorento" markalı avtomobilin aşması nəticəsində xəsarət alanlar xəstəxanaya yerləşdirilib, vəziyyətləri orta-ağırdır.
Faktla bağlı araşdırma başlanılıb.
