Goranboyda baş verən yol qəzasında ölən və xəsarət alanların kimliyi məlum olub.
Gencexeber.az bildirir ki, Daşkəsən rayonunun Bayan kəndində qeydiyyatda olan 1958-ci il təvəllüdlü Nəsibə Nağıyevanın idarə etdiyi “Hyundai” markalı 77 HD 580 dövlət nömrə nişanlı avtomaşın yoldan çıxaraq aşıb. Qəza zamanı sürücü və nəvəsi 2018-ci il təvəllüdlü F.Məmmədli hadisə yerində ölüb.
Sürücünün nəvələri - 2016-cı il təvəllüdlü Ə.Məmmədli və 2021-ci il təvəllüdlü A.Məmmədli xəsarətlərlə Yevlax rayon xəstəxanasına çatdırılıb. Sürücünün qızı, 1990-cı il təvəllüdlü Ayşən Məmmədlinin yüngül xəsarət aldığı bildirilir.
13:15
Goranboyda ağır yol-nəqliyyat hadisəsi baş verib.
Unikal.аz xəbər verir ki, hadisə Bakı-Qazax magistral yolunun rayon ərazisindən keçən hissəsində qeydə alınıb.
"Hyundai" markalı minik maşını hərəkətdə olarkən idarəetməni itirib.
Nəticədə minik maşını yolun kənarına aşıb, 2 nəfərin öldüyü bildirilir.
