Gəncə şəhərində Dədə Qorqud küçəsi ilə Müseyib Bağırov küçəsinin kəsişməsində avtomobil yolunun vəziyyəti narazılıq doğurur.
Gencexeber.az-a sakinlər tərəfindən daxil olan şikayətlərə görə, yolun hərəkət hissəsində əmələ gəlmiş dərin çuxurlar sürücülər üçün ciddi problem yaradır. Bildirilir ki, onların dərin olması səbəbindən maşınların asqı sistemi, təkərləri və digər hissələri zədələnir, nəticədə sürücülər maddi zərərlə üzləşirlər.
Vətəndaşlar qeyd edirlər ki, həmin ərazidə nəqliyyatın intensiv hərəkət etməsinə baxmayaraq, yolun təmiri ilə bağlı hələ də tədbir görülməyib. Onlar aidiyyəti qurumlardan problemin qısa zamanda aradan qaldırılmasını və yol örtüyünün bərpa olunmasını xahiş edirlər. \
