Gəncədə bu ticarət mərkəzinin 18 min manatdan artıq borcu yaranıb.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata görə, Gəncədə yerləşən "Mərkəzi Univermaq"ın quruma 18.267 manatdan artıq borcu yaranıb.
Belə ki, Nizami Gəncəvi prospekti, 50 ünvanında yerləşən ticarət mərkəzi ilə MKTİB arasında bərk məişət tullantılarının daşınması və zərərsizləşdirilməsi xidmətlərinin göstərilməsinə dair 01.01.2020-ci il tarixində aylıq 1000 manat xidmət haqqı nəzərdə tutulmaqla müqavilə bağlanıb. Lakin ticarət mərkəzi tərəfindən qeyd edilən tarixdən etibarən bəzi aylarda ödənişlər həyata keçirilməyib, xüsusilə 2026-cı ilin fevral ayından etibarən 7 aylıq xidmət haqqı üzrə hər hansı vəsait qurumun hesabına mədaxil edilməyib.
Bildirilir ki, bu günə kimi göstərilən xidmətlərə baxmayaraq, bərk məişət tullantılarının daşınması və zərərsizləşdirilməsi xidmətlərinə görə həmin obyekt üzrə ümumilikdə 18267,84 manat məbləğində debitor borc yaranıb. Bununla bağlı dəfələrlə rəsmi və şifahi qaydada müraciətlər edilib.
Əlavə olaraq bildiririk ki, "Mərkəzi Univermaq" böyük ticarət mərkəzinə bərk məişət tullantılarının daşınması və zərərsizləşdirilməsi xidmətlərinin göstərilməsi məqsədilə obyektin yaxınlığında tutumu 1,1 kubmetr olan 6 ədəd konteyner yerləşdirilib. Həmin konteynerlərdən, həmçinin Nağıbəy Şeyxzamanov küçəsində yerləşən 52 mənzildən ibarət yaşayış massivinin məişət tullantılarının toplanması və daşınması məqsədilə istifadə olunur və tullantıların mütəmadi olaraq, hər gün daşınması təmin edilir.
"Aparılan hesablamalara əsasən, Nağıbəy Şeyxzamanov küçəsində yerləşən 52 mənzil üzrə bərk məişət tullantılarının daşınması və zərərsizləşdirilməsi xidmətlərinə görə ümumilikdə 4288 manat məbləğində debitor borc yaranıb.
Gəncə şəhər İcra Hakimiyyəti yanında Mənzil Kommunal Təsərrüfatı İstehsalat Birliyi bir daha əhali və qeyri-əhali qrupuna aid şəxslərdən xahiş edir ki, bərk məişət tullantılarının daşınması və zərərsizləşdirilməsi xidmətlərinə görə, aylıq ödənişlər, həmçinin yaranan debitor borclar vaxtında ödənilsə MKTİB fəaliyyətində bu kimi axsamalar müşahidə olunmaz", – MİKTİB-dən bildirilib.
