Xəbər verdiyimiz kimi, son günlər Gəncə və ətraf bölgələrdə mal-qara arasında ölümcül xəstəliyin yayılması barədə sosial şəbəkələrdə dolaşan iddialar ət satışına ciddi təsir göstərib.
Səhiyyə Nazirliyi oxu.аz-a bildirib ki, ölkədə son vaxtlar heyvanlar arasında dabaq xəstəliyinə yoluxma halları artıb. Bununla belə, son 30 il ərzində insanlar arasında bu virusa yoluxma halı qeydə alınmayıb.
Qurumun məlumatına görə, bu zoonoz xəstəlik əsasən xəstə heyvanlarla təmasda və ya çiy heyvan məhsullarının qəbulu zamanı insana keçə bilər. Nazirlik xəbərdarlıq edir ki, xəstəliyin spesifik müalicəsi yoxdur, bu səbəbdən xəstə heyvanlar sanitar qaydada kəsilməli, ət və süd məhsulları isə yaxşı bişirilib istifadə olunmalıdır.
