Azərbaycan mediasında "Bolmart" supermarketlər şəbəkəsinin bu gündən etibarən fəaliyyətini dayandırması ilə bağlı xəbərlər yayılıb.
Gencexeber.az məlumat verir ki, paytaxtda yerləşən bir neçə "Bolmart" filialına üz tutan alıcılar qapıların bağlı olduğunu görüblər. Onlara bildirilib ki, market fəaliyyətini dayandırıb.
Lakin redaksiyamızın əldə etdiyi məlumata görə, bu hal yalnız qeyd edilən filiallarda müşahidə olunub.
Gəncə şəhərində fəaliyyət göstərən "Bolmart" filialları – Elbrus Allahverdiyev küçəsində (Dəyirmanın dairəsi) və Şah İsmayıl Xətai prospektində yerləşən mağazalar – hazırda normal rejimdə fəaliyyət göstərir.
Qeyd edək ki, "Bolmart" supermarketlər şəbəkəsinin SOCAR-ın İnvestisiya Departamentinin rəhbərinin sabiq müavini, hazırda Azərbaycana qarşı iqtisadi təxribatda ittiham olunaraq həbs edilən Adnan Əhmədzadəyə məxsus olduğu iddia edilir.
