Gəncənin estetik görünüşünə xələl gətirən və sakinlərin haqlı narazılığına səbəb olan, qəzalı, qurumuş ağacların zərərsizləşdirilməsi prosesi davam etdirilir.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, bu məqsədlə qurumun Yaşıllaşdırma şöbəsinin əməkdaşları və texnikaları vasitəsilə şəhərin Atatürk, Heydər Əliyev və Nizami Gəncəvi prospektlərində, həmçinin Şəddadilər, Əziz Əliyev, Əttarlar, Qəzənfər Əliyev, Bakı fəhləsi, eləcə də Qarabağ küçələrində, habelə bir neçə digər ərazilərdə budama və ömrünü başa vuran ağacların kəsilərək zərərsizləşdirilməsi işləri aparılıb.
Bununla yanaşı MKTİB-ə, yerli bələdiyyə orqanları və vətəndaşlar tərəfindən budama işlərinin aparılması üçün 300 rəsmi müraciəti daxil olub. Bu müraciətlərdən 270-i MKTİB-nin Yaşıllaşdırma şöbəsi tərəfindən icra edilib, 30 müraciət isə mülkiyyətçinin olmaması və sənədləşmənin düzgün aparılmaması səbəbindən icrası dayandırılıb.
