Gəncədə istifadə edilmiş plastik butulkaların toplanması üçün məntəqələrin olmaması aktual problem olaraq qalır.
Şəhər sakinləri və ekoloqlar şəhərdə plastik tullantıların toplanması üçün ixtisaslaşdırılmış yerlərin olub-olmaması ilə bağlı Gencexeber.az-a dəfələrlə müraciət ediblər. Sözügedən məsələ ilə bağlı redaksiyamız Gəncə Şəhər İcra Hakimiyyətinə sorğu ünvanlayıb.
Qurumdan bildirilib ki, Gəncə şəhərində plastik butulkaların toplanaraq təkrar emalını həyata keçirən hər-hansı bir dövlət müəssisəsi yoxdur.
Qeyd edək ki, bu işlər fərdi şəkildə müxtəlif şəxslər tərəfindən aparılır. Lakin özəl və dövlət qurumları tərəfindən sözügedən məsələyə dair layihələr də icra olunub.
Yekunda bunu deyə bilərik ki, belə yerlərin olmaması plastik tullantıların təkrar emal olunmaması, eləcə də zibillik poliqonlarına və ya şəhər küçələrinə atılması deməkdir. Onları iri həcmdə hətta Gəncəçayı məcrasında hər gün müşahidə edirik.
Yerli fəallar və şəhər sakinləri redaksiyamıza müraciət edərək şəhər rəhbərliyinin diqqətini sözügedən problemə cəlb edə biləcəklərinə ümidlidirlər.
Cavid Şəmiyev
