Azərbaycan Voleybol Federasiyasının (AVF) Gəncə şəhərində məşqçi-müəllimlər üçün təşkil etdiyi kurs başa çatıb.
Gencexeber.az-a Federasiyadan verilən məlumata görə, Gəncə Olimpiya İdman Kompleksində baş tutan və beş gün davam edən AVF-nin “1-ci dərəcə” məşqçi kursunda Gəncə ilə yanaşı, ətraf rayon və şəhərlərdən 19 məşqçi-müəllim iştirak edib.
Dərslər AVF-nin Təlim və aşağı yaş qruplarının rəhbəri Cengiz Akarçeşme tərəfindən keçirilib.
Kursun sonuncu günündə iştirakçılar nəzəri və praktiki imtahan veriblər. Hər iki imtahanı uğurla keçən 8 mütəxəssisə federasiyanın “1-ci dərəcə” sertifikatı təqdim olunub.
