Gəncə sakini marketlərin birini “ədalətsiz qiymət siyasəti”nə görə ittiham edib.
Gencexeber.az-a Gəncə sakini tərəfindən daxil olan şikayətə əsasən, “OBA” marketlər şəbəkəsinin Nəriman Nərimanov prospektində yerləşən filialında dünən axşam saatlarında xoşagəlməz hadisə baş verib. İddiaya görə, “Adicto” şokoladlı keksi vitrində 4 manata nümayiş etdirilsə də, kassada müştəriyə verilən qəbzdə məhsulun qiyməti artıq 5 manat olub.
Şəhər sakininin sözlərinə görə, bir çox müştərilər belə kiçik qiymət fərqinə görə market işçiləri ilə mübahisə etmirlər, bu səbəbdən də belə halların sayı getdikcə artır.
“Bir manat cüzi məbləğ kimi görünsə də, narazılıq yaradır və belə halların genişlənməsinə şərait yaradır. Bir çox insan susmağa üstünlük verir, lakin bu, belə manipulyasiya üçün bəhanə olmamalıdır”, - iddiaçı qeyd edib.
