Gəncə şəhər ərazisində ətraf mühitin qorunması və ekoloji vəziyyətin daha da münbitləşdirilməsi məqsədilə mövcud yaşıllıqların sayı artırılır.
Gencexeber.az Mənzil Kommunal Təsərrüfatı İstehsalat Birliyinə istinadən xəbər verir ki, bu məqsədlə qurum tərəfindən mərkəzi meydanda və Gəncə Dövlət Filarmoniya binasının qarşısında mövsümə uyğun dekorativ gül və çiçəklər əkilib.
Bitkilərin daha uzunömürlü olması üçün əkindən öncə ərazilər ömrünü bitirmiş gül kollarından təmizlənib, yerləri torpaq, torf və müxtəlif gübrələrlə zənginləşdirilib.
Aksiya çərçivəsində mövcud yaşıllığa aqrotexniki qulluq göstərilib, suvarılması təmin edilib, xəstəlik və zərərvericilərə qarşı mübarizə tədbirləri həyata keçirilib.
