Gəncədə ağır yol qəzası olub.
Bizim.media.аz xəbər verir ki, hadisə İmamzadə ziyarətgahına gedən yolda baş verib.
Hərəkətdə olan "VAZ 21011" markalı avtomobillə "VAZ 21015" markalı minik maşını toqquşub. Qəza zamanı "VAZ 21011" aşaraq yolun kənarına düşüb.
Nəticədə həmin avtomobilin sürücüsü 1986-cı il təvəllüdlü E.İsmayılov, onun həyat yoldaşı 1996-ci il təvəllüdlü N.Tanrıverdiyeva, onların övladları 2008-ci il təvəllüdlü S.İsmayılov və 2023-cü il təvəllüdlü D.İsmayılova müxtəlif dərəcəli bədən xəsarətləri alaraq xəstəxanaya yerləşdiriliblər.
Onlara tibbi yardım göstərilib, vəziyyətlərinin orta ağır olduğu bildirilir. Faktla bağlı araşdırma aparılır.
