Gəncə sakini Akademik Zülfüqar Məmmədov adına Gəncə şəhər Təcili və Təxirəsalınmaz Tibbi Yardım Xəstəxanasında göstərilən xidmətin aşağı keyfiyyətdə olduğunu iddia edib. Bununla bağlı sosial şəbəkələrdə paylaşım olub.
Gencexeber.az-ın məsələ ilə bağlı sorğusuna Tibbi Ərazi Bölmələrini İdarəetmə Birliyindən (TƏBİB) bildirilib ki, Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxana ilə bağlı sosial şəbəkələrdə yayılan video barədə məlumatlıdırlar.
“Orada səsləndirilən şikayətlər hazırda araşdırılır. Məlumatlar dəqiqləşdirildikdən sonra ictimaiyyətə əlavə məlumat veriləcək. Qeyd edək ki, vətəndaşın özü ilə də əlaqə saxlanılacaq, işində nöqsana yol verən əməkdaşlar olarsa, onlar haqqında müvafiq tədbir görüləcək”, – açıqlamada qeyd olunub.
Humay İsgəndərli
