Gəncə sakinləri şəhər ərazisində yerləşən dükanların birindən şikayət ediblər.
Gencexeber.az-a daxil olan şikayətlərdən biri də, Gəncədə “Böyük Ucuzluq” mağazalar şəbəkəsi ilə bağlıdır. Sakinlər bildirib ki, İsmət Qayıbov və Fətullah Həsənov küçələrinin kəşisməsində yerləşən bu mağaza filialının adı iri plakatların üzərində olan şəhid şəkillərinin qarşısına qoyulub.
“Bu nə biabırçılıqdır ki, şəhidlərimizin rəsmi ola-ola qarşısına “BÖYÜK UCUZLUQ” yazılsın?! Belə bir şey heç yerdə yoxdur, Gəncədə də olmamalıdır” - sakinlərdən biri qəzəblənib.
Bir çox vətəndaş bildirib ki, hörmət əlaməti olaraq şəhidlərimizin xatirəsi mütləq yaşadılmalıdır. Lakin layiqli şəkildə, belə kobudcasına yox. Əlavə edilib ki, sözügedən işləri görənlər güman ki, bunu pis niyyətlə etməyiblər, amma alınan nəticə xoş deyil.
