Gəncə karateçiləri 20 Yanvar faciəsi qurbanlarının xatirəsinə həsr olunan turnirdə uğurlu çıxış ediblər.
Gencexeber.az məlumat verir ki, Azərbaycan Karate Federasiyası və Arpaçay Karate Klubunun təşkilatçılığı ilə 10 ölkədən 800-ə yaxın idmançının iştirak etdiyi karate turnirində Gəncə şəhər 2 nömrəli Uşaq-Gənclər İdman-Şahmat Məktəbinin şagirdləri əla nəticələr nümayiş etdirdi.
Əməkdar məşqçi Ziya Namazovun rəhbərliyi altında Gəncəni təmsil edən Kərimov Cavid birinci, Səfərov Ramal və Məmmədov Yusif üçüncü yeri tutublar.
