Gəncədə kişi və qadın meyitləri aşkarlanıb. Bu haqda 20 fevral tarixində Baku.ws-ə istinadən xəbər veririk.
Hadisə şəhərin Muxtar Hacıyev küçəsində yerləşən evlərin birində qeydə alınıb. Şəhər sakinləri - 23 yaşlı Aytən Elsevər qızı Abdullayeva və 34 yaşlı Turxan Tofiq oğlu Əliyevin meyitləri tapılıb.
Baku.ws-in məlumatına görə, onların dəm qazından zəhərlənərək dünyasını dəyişdikləri ehtimal olunur.
Qeyd edək ki, A.Abdullayeva rəqqasə, T.Əliyev isə müğənni olublar.
Meyitlər Tibbi Ekspertiza və Patoloji Anatomiya Birliyinin Gəncə Şəhər Şöbəsinə təhvil verilib. Hazırda Gəncə Şəhər Prokurorluğunda Turxan Əliyev və Aytən Abdullayevanın ölüm səbəbi araşdırılır.
Əlavə məlumat veriləcək.
