Özbəkistanın paytaxtı Daşkənddə azərbaycanlı iş adamından hədə-qorxu ilə pul tələb edən xarici vətəndaşlar saxlanılıb.
Aralarında Azərbaycan və Rusiya vətəndaşlarının da olduğu cinayətkar qrup bir iş adamından təhqir bəhanəsinə görə 5 min dollar pul alıb.
Bu barədə insanoid.com xarici KİV-ə istinadən xəbər verir.
Daxili İşlər Nazirliyinin Əməliyyat-İstintaq İdarəsi Özbəkistanda sahibkarlıq fəaliyyəti ilə məşğul olan Azərbaycan vətəndaşlarından hədə-qorxu ilə pul tələb edən əcnəbi vətəndaşlardan ibarət cinayətkar dəstənin fəaliyyətinin qarşısını alıb.
Bildirilir ki, Azərbaycan vətəndaşı qardaşı ilə birgə paytaxtın Bəktəmir rayonunda yerləşən bazarda meyvə satışı ilə məşğul olub.
O, bu il yanvarın 10-da ərizə verərək bildirib ki, 2024-cü ilin noyabrında evində müvəqqəti olarkən ünsiyyətdə olduğu tanışı Rusiya vətəndaşı ilə arasında mübahisə yaranıb. Bundan sonra o, zərərçəkmiş şəxsi təhqirdə ittiham edib və 2024-cü il dekabrın 15-də onun şəriki, əvvəllər dəfələrlə məhkum olunmuş Azərbaycan vətəndaşını Daşkəndə çağırıb.
Onun köməyi ilə zərərçəkmişə təzyiq göstərilib. Onlar hədə-qorxu ilə 5 000 dollar tələb ediblər, bunun 1 500 dollarını 2024-cü il dekabrın 15-də alıblar, lakin qalan 3 500 dolları tələb etməyə davam ediblər.
10 yanvar 2025-ci il tarixində keçirilən əməliyyat tədbiri zamanı şübhəli şəxslər qalan məbləği alarkən saxlanılıblar.
Cinayət işi başlanıb. Faktla bağlı 3 şübhəli saxlanılıb, araşdırma aparılır.
