Gəncədə dilənçilərlə bağlı açıqlama verilib. Bu haqda Gencexeber.az 3 fevral tarixində məlumat verir.
Bir neçə gün öncə sosial şəbəkə hesablarımızda dilənçilərin sakinlərə yaxınlaşaraq hərəkətinə mane olması və onları narahat etməsi barədə video paylaşmışdıq. Məsələ ilə bağlı DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov açıqlama verib.
O bildirib ki, Baş Polis İdarəsinin və onun tabeli qurumlarının əməkdaşları mütəmadi olaraq şəhər ərazisində tüfeyli həyat tərzi keçirən və dilənçiliklə məşğul olaraq vətəndaşların narazılığına səbəb olan şəxslərlə bağlı profilaktik tədbir keçirir. Cari ilin müvafiq dövrü ərzində bu sahədə görülən monitorinq-profilaktiki tədbirlər nəticəsində 500-ə yaxın şəxs inzibati məsuliyyətə cəlb olunub. Həmin şəxslər qeydiyyatda olduqları şəhər və rayonlara göndəriliblər.
