2026-cı ilin cari dövrü ərzində ödənişli atalıq məzuniyyəti verilən şəxslərin sayı açıqlanıb.
Bu barədə Dövlət Əmək Müfəttişliyinin Mətbuat xidmətindən məlumat verilib.
Məlumata görə, indiyə qədər 349 işəgötürən 868 kişiyə ödənişli atalıq məzuniyyəti verib:
"2026-cı ilin 7 ayı ərzində 349 işəgötürən tərəfindən ümumilikdə 868 işçiyə uşağının doğulması ilə əlaqədar 14 təqvim günü müddətində ödənişli atalıq məzuniyyəti verilib. Bu məzuniyyət uşağın doğulmasından əvvəlki və sonrakı dövrləri əhatə edir. İşçiyə ödənişli atalıq məzuniyyətinin verilməsi barədə əmr işəgötürən tərəfindən Əmək və Əhalinin Sosial Müdafiəsi Nazirliyinin "Əmək və Məşğulluq" altsistemində (ƏMAS) elektron qaydada rəsmiləşdirilir", - Dövlət Əmək Müfəttişliyinin mətbuat xidmətinin məlumatında bildirilib.
1 iyun 2026-cı ilin məlumatlarına əsasən 164 işəgötürən tərəfindən ümumilikdə 346 işçiyə uşağının doğulması ilə əlaqədar olaraq 14 təqvim günü müddətində ödənişli atalıq məzuniyyəti verilmişdi. Müqayisə göstərir ki, bu ay 522 nəfər kişi uşağının doğulması ilə əlaqədar ödənişli atalıq məzuniyyətindən yararlanıb. İyuna olan məlumatla müqayisədə görünür ki, bu ay ödənişli atalıq məzuniyyəti verən işəgötürənlərin sayı 185 olub.
Mənbə: trend.аz
