Tehranda şəhid olan baş leytenantımızın nəşi Vətənə gətirilib. Bu haqda 30 yanvar tarixində Guney AZfront-a istinadən məlumat veririk.
Azərbaycanın İrandakı səfirliyinə terror hücumunda şəhid olan Orxan Əsgərovun nəşi Təzəpir məscidindən mərhumun qardaşının Yasamal rayonunda yerləşən evinə aparılır. O, bu gün saat 12:00-da Bakının İkinci Şəhidlər xiyabanında torpağa tapşırılacaq.
Xatırladaq ki, 27 yanvar tarixində səhər saatlarında Azərbaycanın Tehrandakı səfirliyində terror aktı baş verib. Silahlı hücum zamanı səfirliyin mühafizə xidmətinin rəisi baş leytenant Orxan Əsgərov güllələnərək şəhidlik zirvəsinə ucalıb.
