Gəncədə vətəndaş bıçaqlanmaya görə saxlanılıb. Bu haqda 19 fevral tarixində Report-a istinadən məlumat veririk.
Bir neçə gün öncə iki nəfər taksi sürücüsünün bıçaqlanması barədə xəbər paylaşmışdıq. Gəncə Şəhər Baş Polis İdarəsinə şəhər sakinləri Nadir Cıqqarov və Samir İsmayılovun bıçaq xəsarətləri alaraq xəstəxanaya yerləşdirilməsi barədə məlumat daxil olub.
Hadisə yerinə polis əməkdaşları cəlb olunublar. Ərazidə müvafiq tədbirlər həyata keçirilib. İlkin araşdırmalar zamanı taksi sürücülərinə xəsarət yetirənin Anar Tağıyev olması müəyyən edilib. Polis əməkdaşlarının keçirdikləri əməliyyat-axtarış tədbirləri nəticəsində şübhəli şəxs saxlanılaraq istintaqa təhvil verilib.
Xatırladaq ki, daha öncə sözügedən şəxslərin bir-birinə xəsarət yetirdikləri bildirilirdi.
