Milli Hidrometeorologiya Xidmətinin fevralın 8-i saat 09:00-a olan məlumatına əsasən ölkə ərazisində yağıntılı və küləkli hava şəraiti müşahidə olunur.
Gencexeber.az-a Xidmətdən verilən məlumata görə, bəzi yerlərdə yağış yağır.
Belə ki, düşən yağıntının miqdarı Daşkəsən, Şəmkir, Gəncədə 1 mm-dək qeydə alınıb.
Ölkənin bəzi ərazilərində güclü şimal-qərb küləyi əsir.
Daşkəsən, Göygöl, Gəncə və Şəmkirdə duman müşahidə olunur. Dumanda görünüş 50-200 metrədək məhdudlaşıb.
Havanın minimal temperaturu Aran rayonlarında 3 dərəcəyədək isti, dağlıq rayonlarda 8, yüksək dağlıq ərazilərdə isə 17 dərəcəyədək şaxta qeydə alınıb.
