Bakıda U-20 gənclər arasında cüdo üzrə Azərbaycan birinciliyi keçirilib.
Gencexeber.az-ın məlumatına görə, ölkənin müxtəlif regionlarını təmsil edən güclü idmançıların qatıldığı yarışda Gəncə idmançıları uğurlu çıxışları ilə fərqləniblər. Gəncə şəhər 1 nömrəli Uşaq-Gənclər İdman-Şahmat Məktəbinin cüdo bölməsinin yetirmələri müxtəlif çəki dərəcələrində fəxri kürsüyə yüksələrək şəhər idmanının yüksək səviyyəsini bir daha sübut ediblər.
Yarışın yekun nəticələrinə əsasən, oğlanlar arasında 60 kq çəki dərəcəsində mübarizə aparan Fərid Qarayev bütün rəqiblərinə qalib gələrək birinci yerə layiq görülüb. 73 kq çəki dərəcəsində çıxış edən Özqan Quliyev isə üçüncü yer tutaraq bürünc medal qazanıb. Hər iki idmançının şəxsi məşqçisi Hüseyn Allahverdiyevdir.
Qızlar arasında keçirilən qarşılaşmalarda da Gəncə təmsilçiləri yüksək nəticə göstəriblər. 48 kq çəki dərəcəsində çıxış edən Gülgəz Musayeva birinci yerə yüksələrək qızıl medala sahib olub. 57 kq çəki dərəcəsində mübarizə aparan Ada Mustafayeva isə ikinci yer tutaraq yarışı bürünc medalla başa vurub. Qız idmançıların şəxsi məşqçisi Ceyhun Bayramovdur.
