Bolqarıstanın Samokov şəhərində yeniyetmələr və gənclər arasında keçirilən güləş üzrə Avropa çempionatında iştirak edən Gəncə şagirdləri böyük uğura imza ataraq daha 4 medal qazanıblar və qazanılan medalların ümumi sayını 6-ya yüksəldiblər.
Gencexeber.az məlumat verir ki, yekun nəticədə şagirdlərimiz 2 qızıl, 1 gümüş və 3 bürünc medala sahib çıxıblar. Uğur qazanmış idmançılarımızı təqdim edirik:
– Ülviyyə Musayeva — Gəncə şəhər 42 nömrəli tam orta məktəbin şagirdi - qızıl medal;
– İbrahim Həsənov — Gəncə şəhər 23 nömrəli tam orta məktəbin şagirdi - qızıl medal;
– Elman İsmayılov — Gəncə şəhəri 36 nömrəli tam orta məktəbin şagirdi - gümüş medal;
– Məhəmməd Kərimov — Gəncə şəhər Mikayıl Müşfiq adına 14 nömrəli tam orta məktəbin şagirdi - bürünc medal;
– Mədinə Kərimova— Gəncə şəhər 26 nömrəli məktəb lisey kompleksinin şagirdi - bürünc medal;
– Yusif Hüseynov - Gəncə şəhər 23 nömrəli tam orta məktəbin şagirdi - bürünc medal.
Qeyd edək ki, şagirdlərimiz "Təhsil" RİM Gəncə şəhər 1 nömrəli UGİŞM-in yetirmələridir.
