Gəncə şəhər Aşıq Ələsgər adına 36 nömrəli tam orta məktəbdə Avropadan medalla qayıdan şagird üçün qarşılanma mərasimi təşkil olunub.
Gencexeber.az məlumat verir ki, Bolqarıstanın Samokov şəhərində keçirilən U-15 Avropa çempionatında gümüş medal qazanan Elman İsmayılov məktəbdə müəllim və şagirdlərin alqışları ilə qarşılanıb.
Mərasimdə məktəbin kollektivi gənc idmançını əldə etdiyi uğur münasibətilə təbrik edib, ona gələcək yarışlarda da yeni nailiyyətlər arzulayıb.
Qeyd edək ki, 41 kiloqram çəki dərəcəsində çıxış edən Elman İsmayılov bundan əvvəl Azərbaycan çempionatında bütün rəqiblərini məğlub edərək qızıl medal qazanıb.
