Yunanıstanın Loutraki şəhərində keçirilən MMA üzrə Avropa çempionatında Azərbaycanı təmsil edən gəncəli idmançı Qiyas Rüstəmov uğura imza atıb.
Gencexeber.az-ın məlumatına görə, idmançı 17-18 yaş qrupu üzrə 79 kiloqram çəki dərəcəsində bütün rəqiblərinə qalib gələrək Avropa çempionu adını qazanıb.
Qiyas Rüstəmov 18 ölkədən olan idmançıların iştirak etdiyi yarışa Gəncənin tanınmış məşqçisi Cavidan Cəfərovun rəhbərliyi altında qatılıb.
Qeyd edək ki, bu nəticə Gəncə idmanı üçün tarixi uğur hesab olunur. İlk dəfədir ki, Gəncədən olan MMA idmançısı Avropa çempionu adını qazanır.
