Gəncəli idmançı Bünyamin Məmmədov sərbəst güləş üzrə keçirilən açıq birincilikdə fərqlənib.
Gencexeber.az-ın məlumatına görə, Dövlət Suverenliyi Gününə həsr olunmuş yarış Gəncə Olimpiya İdman Kompleksində təşkil olunub. 20 kiloqram çəki dərəcəsində mübarizə aparan Bünyamin Məmmədov yarışın yekununda II yerə layiq görülüb. O, diplom və gümüş medalla təltif olunub.
Qeyd edək ki, bu, azyaşlı güləşçinin ilk nailiyyəti deyil. Bünyamin daha əvvəl də müxtəlif yarışlarda uğurlu nəticələr göstərib:
– Zaqatala şəhərinin açıq birinciliyi – I yer;
– Qax şəhərində keçirilən şəhərlərarası birincilik – II yer;
– Gəncə şəhər birinciliyi – II yer;
– Gəncə İdman Klubunda təşkil olunan yarış – III yer;
– Tovuzda keçirilən şəhərlərarası turnir – I yer;
– Goranboy rayon turniri – III yer;
– Gəncədə sərbəst güləş üzrə keçirilən Respublika birinciliyi – I yer.
Məlumat üçün bildirək ki, Bünyamin Məmmədov sabah Gəncə şəhərində yerləşən 17 nömrəli tam orta məktəbdə birinci sinfə qədəm qoyacaq.
