Taekvondo üzrə gənclər arasında beynəlxalq yarış keçirilib.
Gencexeber.az xəbər verir ki, Sumqayıt şəhərində təşkil olunan birincilikdə Gəncə şəhər 1 nömrəli UGİŞM-in taekvondo bölməsinin yetirməsi Yusif Nağızadə uğurlu nəticə əldə edib.
İdmançı şəxsi məşqçisi Şahmar Nağıyevin rəhbərliyi altında milli komandanın tərkibində 65 kiloqram çəki dərəcəsində çıxış edib və I yer tutaraq qızıl medala layiq görülüb.
Xatırladaq ki, sözügedən yarışda mübarizə aparan Gəncə şəhər 1 nömrəli UGİŞM-in taekvondo bölməsinin digər yetirməsi Xəlilov Rasim bürünc medala layiq görülüb.
Qeyd edək ki, Y.Nağızadə 5-7 noyabr tarixlərində Yunanıstanın paytaxtı Afina şəhərində keçiriləcək yeniyetmələr arasında Avropa çempionatında iştirak edəcək.
