Gəncənin Mehdi Mehdizadə adına 4 nömrəli xarici dil təmayüllü məktəb-liseyin 7e sinif şagirdi Gülnaz Abdullazadə beynəlxalq arenada növbəti uğura imza atıb.
Gencexeber.az-ın məlumatına görə, Gülnaz Abdullazadə ABŞ-nin Mayami şəhərində keçirilən "Olympiad USA" Beynəlxalq Olimpiadasının final mərhələsində iştirak edib.
Gülnaz Azərbaycanın Milli komandasının tərkibində ölkəmizi beynəlxalq arenada layiqincə təmsil edib. Gəncəli şagird "USA English" olimpiadasından qızıl medal və "Olympiad USA Math" olimpiadasından bürünc medal qazanıb.
Qeyd edək ki, bundan öncə Gülnaz "TEFL Wonderland-Brilliant Minds" təşkilatının Misirin Hurqada şəhərində keçirdiyi Beynəlxalq İngilis dili Olimpiadasının Global Final mərhələsində birinci olub. "Wonderland Adventures Worldwide" (WAW) yarışmasında isə II yer qazanaraq gümüş medal əldə edib.
