Dünən Sumqayıt şəhərində keçirilən MMA üzrə "AFC Gənc Aslanlar 34" turnirində gəncəlilər uğurlu nəticə göstəriblər.
Gencexeber.az xəbər verir ki, yarışda Gəncəni şəhərin MMA Mərkəzinin baş məşqçisi Cavidan Cəfərovun rəhbərliyi altında Səid Məmmədov və Ədalət Abbasov təmsil ediblər.
Səid Məmmədov 14-15 yaş kateqoriyasında 40 kiloqram çəki dərəcəsində birinci yerə layiq görülüb. Daha sonra 44 kiloqram çəki dərəcəsində də çıxış etməyi qəbul edən yeniyetmə bu kateqoriyada da qalib adını qazanıb.
Digər iştirakçımız Ədalət Abbasov isə 8-9 yaş qrupu üzrə 36+ kiloqram çəki dərəcəsində bütün rəqiblərini məğlub edərək birinci yerin sahibi olub.
