Bu gün Albaniyanın paytaxtı Tiranada keçirilən Avropa çempionatında Gəncənin qadın güləşçisi mübarizəyə qoşulub.
İdman.biz xəbər verir ki, Jalə Əliyeva (57 kq) Albaniyanın paytaxtı Tiranada keçirilən Qitə birinciliyində qələbə qazanıb. İdmançımız Almaniya təmsilçisi Amori Andrixi "tuş"la məğlub edib.
Beləliklə, J.Əliyeva 1/4 final mərhələsinə yüksəlib.
Qeyd edək ki, Jalə Kamal qızı Əliyeva 1 fevral 2001-ci ildə Gəncədə dünyaya göz açıb. Azərbaycanı təmsil edən qadın güləşçi Avropa Çempionatının gümüş medalçısı (2024); U23 Avropa Çempionatının 2022 və 2024-cü illərdə çempionu, 2024-cü il U23 Dünya Çempionatının və 2025-ci ildə VI İslam Həmrəyliyi Oyunlarının qalibidir.