Gəncə Dövlət Filarmoniyasının Dövlət Kamera Orkestrinin solisti, Əməkdar artist Kəmalə Tağızadənin 60 yaşı tamam olur.
Gencexeber.az məlumat verir ki, Kəmalə Oktay qızı Tağızadə 9 may 1966-cı ildə Gəncə şəhərində anadan olub. O, 1973–1981-ci illərdə şəhər 23 nömrəli tam orta məktəbdə təhsil alıb.
1984-cü ildə Gəncə şəhər Qəmbər Hüseynli adına Musiqi Texnikumuna daxil olan Kəmalə Tağızadə 1988-ci ildə həmin təhsil müəssisəsini bitirib. Elə həmin ildən 1999-cu ilədək kollecdə müşayiətçi müəllim vəzifəsində çalışıb.
1989-cu ildən Fikrət Əmirov adına Gəncə Dövlət Filarmoniyasının Dövlət Kamera Orkestrinin solisti kimi fəaliyyət göstərir. 2005–2026-cı illərdə isə Gəncə şəhər 4 nömrəli Uşaq Musiqi Məktəbində vokal müəllimi olub.
Kəmalə Tağızadə 2007-ci ildə Azərbaycan Respublikasının Əməkdar artisti fəxri adına layiq görülüb. O, Yeni Azərbaycan Partiyasının üzvüdür.
