Gəncə şəhər 1 nömrəli Uşaq-Gənclər İdman-Şahmat Məktəbinin tələbəsi uğurlu nəticə göstərib.
Gencexeber.az-ın məlumatına görə, Süleyman Məmmədov Azərbaycan Cüdo Federasiyasının (ACF) U-14 yaş qrupu üzrə qızlar və oğlanlar arasında keçirilən Liqa yarışının II turunda 60 kiloqram çəki dərəcəsində 1-ci yerə layiq görülərək qızıl medal qazanıb.
Gənc idmançı daha əvvəl həmin yarışın I turunda 3-cü yeri tutaraq bürünc medal əldə edib.
Qeyd edək ki, Süleyman Məmmədov cüdo üzrə tanınmış məşqçi Xanəhməd Rzazadənin yetirməsidir. Süleyman 5 yaşından bu idman növü ilə məşğul olur.
