Gəncə idmançıları Vətən müharibəsi şəhidlərinin xatirəsinə həsr olunan turnirdə fərqləniblər.
Gencexeber.az məlumat verir ki, paytaxtın Sərhədçi İdman Mərkəzində Azərbaycan Uşu Federasiyasının təşkilatçılığı ilə Vətən müharibəsi şəhidlərinin xatirəsinə həsr olunmuş uşu üzrə uşaqlar, yeniyetmələr və gənclər arasında Bakı birinciliyi keçirilib. Gərgin və maraqlı mübarizə şəraitində keçən yarışda Gəncə şəhəri Azərbaycan Döyüş Federasiyaları Assosiasiyası (ADFA) Qərb filialının regional sədri, Əməkdar məşqçi, Fəxri Bədən Tərbiyəsi və İdman İşçisi İlqar Alıyevin rəhbərliyi altında 6 idmançı ilə təmsil olunub.
Uşu ustalarımız 2 qızıl, 2 gümüş və 2 bürünc medal qazanaraq diplom və medallarla təltif olunublar:
I yer:
– Əli Şükürov (39 kq, şəxsi məşqçi İlqar Alıyev);
– Sultanmədli Hüseyn (+45 kq, şəxsi məşqçi İlqar Alıyev)
II yer:
– Məmmədov Vüqar (36 kq, şəxsi məşqçi İlqar Alıyev)
– Osmanov Əli (48 kq, şəxsi məşqçi Əli Cabbarlı);
III yer:
– Əliyev Tunar (39 kq, şəxsi məşqçi Əli Cabbarlı);
– Qəhrəmanov Firuddin (36 kq, şəxsi məşqçi Əli Cabbarlı).
Qeyd edək ki, turnirdə Gəncədən olan hakim briqadası iştirak edib.
– Beynəlxalq dərəcəli hakim Namazlı Fəxri (Baş hakim);
– "Çempion Uşu" klubunun məşqçisi Əli Cabbarlı;
– Respublika dərəcəli hakim Rəşad Rəhimov (Yan hakim).
