Ağsu İdman Kompleksində Azərbaycan Çin Döyüş Növləri Assosiasiyasının və Dağlıq Şirvan Regional Gənclər və İdman İdarəsinin birgə təşkilatçılığı ilə "8 Noyabr – Zəfər Günü"nə həsr olunmuş uşu üzrə yeniyetmə və gənclər arasında klublararası turnir keçirilib.
Gencexeber.az-ın məlumatına görə, yarışda baş hakim qismində Gəncə şəhərindən beynəlxalq dərəcəli hakim Fəxri Namazlı, yan hakim Rəşad Rəhimov, "Çempion Uşu" klubunun baş məşqçisi Elvin Quliyev və bir respublika dərəcəli hakim iştirak ediblər.
Azərbaycan Döyüş Federasiyaları Assosiasiyasının (ADFA) Qərb Filialının Regional sədri, Əməkdar məşqçi, Fəxri Bədən Tərbiyəsi və İdman İşçisi İlqar Alıyevin rəhbərliyi ilə Gəncə şəhəri turnirdə 12 idmançı ilə təmsil olunub.
Nəticədə gəncəlilər müxtəlif kateqoriyalar üzrə 8 qızıl və 4 gümüş medal qazanaraq yüksək nəticə göstəriblər:
I yerlər:
Yusif Şahmarzadə (56 kq) – məşqçi İlqar Alıyev;
Əli Həsənov (52 kq) – məşqçi Elvin Quliyev;
İnayət Abdullayev (48 kq) – məşqçi İlqar Alıyev;
Əli Osmanov (48 kq) – məşqçi Elvin Quliyev;
Rafiq Quliyev (39 kq) – məşqçi Elvin Quliyev;
Vəkil Səfərov (32 kq) – məşqçi Elvin Quliyev;
Əli Quliyev (23 kq) – məşqçi İlqar Alıyev;
Sadiq Ağayev (20 kq) – məşqçi İlqar Alıyev.
II yerlər:
Yusif Verdiyev (75 kq) – məşqçi İlqar Alıyev;
Əli Cabbarlı (52 kq) – məşqçi Elvin Quliyev;
Tunar Əliyev (42 kq) – məşqçi İlqar Alıyev;
Hüseyn İsmayılov (36 kq) – məşqçi İlqar Alıyev.
Gərgin və maraqlı keçən turnirin sonunda qaliblərə diplom və medallar təqdim olunub.
