Gəncə boksçuları "Heydər Əliyev Kuboku-2026" beynəlxalq turnirində yüksək nəticələr əldə ediblər.
Gencexeber.az məlumat verir ki, Bakı Boks Mərkəzində keçirilən yarışda "Təhsil" Respublika İdman Mərkəzinin Gəncə şəhər 1 nömrəli Uşaq-Gənclər İdman-Şahmat Məktəbi PHŞ-in boks bölməsinin yetirmələri uğurla çıxış edərək müxtəlif medallara layiq görülüblər.
Yarışda iştirak edən idmançılardan Həsrət Məmmədov 46 kiloqram çəki dərəcəsində bütün rəqiblərinə qalib gələrək I yerə sahib olub. O, şəxsi məşqçisi Səbuhi Namazovun rəhbərliyi altında çıxış edib.
50 kiloqram çəki dərəcəsində mübarizə aparan Vaqif Məmmədli isə yarışı II pillədə başa vurub. İdmançı şəxsi məşqçisi Bəhruz İbrahimovla birinciliyə qatılıb.
Qeyd edək ki, 60 kiloqram çəki dərəcəsində çıxış edən Tunar Mehdiyev (Şəxsi məşqçisi – Samir Namazov) və Aydın Alıyev (Şəxsi məşqçisi – Məhəmməd Əliyev) turnirin bürünc medalını qazanıblar.
