Gəncə şəhərindən olan aşpazlar Azərbaycan Kulinariya Assosiasiyasının sıralarına qoşulublar.
Gencexeber.az məlumat verir ki, paytaxtda Azərbaycan Kulinariya Assosiasiyasının təşkilatçılığı ilə kulinariya festivalı keçirilib. Tədbirdə Gəncəni 13 nəfərlik aşpazlar heyəti təmsil edib.
Festival çərçivəsində Gəncədən iştirak edən bütün aşpazlar Azərbaycan Kulinariya Assosiasiyasına üzv qəbul olunaraq buna dair sertifikatlarla təltif ediliblər.
Bundan əlavə, kulinariya müsabiqəsinin nəticələrinə əsasən, Gəncə təmsilçilərindən Valeh Rzayev və Samir Quliyev yüksək nəticə göstərərək medallara layiq görülüblər.
Qeyd edək ki, tədbir tanınmış şeflərin iştirakı və dəstəyi ilə təşkil olunub. Festivalın təşkilatçısı İlkin Hənifə olub.
