Gəncədə piyada səkilərindən biri yararsız hala düşüb. Bu haqda Gencexeber.az-a 11 noyabr tarixində məlumat daxil olub.
Sözügedən hal şəhərin Həsən Əliyev küçəsində müşahidə olunur. Sakinlərin sözlərinə görə, bir müddət öncə “Azərişıq”ın əməkdaşları “Gəncə Mall”un yaxınlığında təmir işləri aparıblar. Burada yeni kabel çəkilməsi üçün tamet daşları sökülüb.
Lakin iki həftədən çoxdur ki, daşlar yerinə vurulmayıb. Nəticədə piyadaların hərəkətinə maneə yaranıb.
